Аждодлар хотирасини ёд этиб, эзгу ишларини давом эттириш, бугун сафларимизда юрган, элу юрт тинчлиги ва равнақи йўлида хизмат қилган кексаларни эъзозлаш маънавий ҳаётимизнинг ажралмас қисмига айланди. 9 май – Хотира ва қадрлаш куни муносабати билан Ўзбекистон қозоқ миллий маданий маркази томонидан оиласи, яқинлари ардоғида умргузаронлик қилаётган нуронийлар ҳолидан хабар олиниб, ўтганларнинг хотираси ёд этилмоқда.
Таъкидлаш жоизки, бу каби тадбирлар – мамлакатимизда инсон қадри нақадар улуғлигидан далолат бериши баробарида ёш авлод вакилларини Ватан мустақиллиги ва озодлиги қанчалар бебаҳо неъмат эканини чуқур англаб етишида муҳим аҳамият касб этади.
