Ўзбекистон Президенти Администрацияси ҳузуридаги Ахборот ва оммавий коммуникациялар агентлиги директори Комил Алламжонов ва директор ўринбосари Саида Мирзиёева Франция пойтахти Париж шаҳрида ЮНЕСКО Бош директори Одри Азуле ва директор ўринбосари Моэз Чакчук билан учрашди. Бу ҳақда Комил Алламжоновнинг Telegram’даги каналида маълум қилинди.
Хабар берилишича, учрашувда медиа соҳасида ҳамкорлик муносабатларини ўрнатиш имкониятларини муҳокама қилинган.
Фото: Telegram / Комил Алламжонов
Қайд этилишича, Азуле хоним, ўз навбатида, ЮНЕСКОнинг Халқаро универсал ахборот олиш кунига бағишланган конференциясини Ўзбекистонда ўтказиш бўйича таклифни қўллаб-қувватлашга тайёрлигини маълум қилган ва Тошкент шаҳрини 2022 йилда «Жаҳон китоб пойтахти» деб эълон қилиниши борасидаги ташаббусга ижобий баҳо берган.
Фото: Telegram / Комил Алламжонов
Фото: Telegram / Комил Алламжонов
Мулоқотда халқаро лойиҳаларда ўзбек журналист ва блогерларининг иштироки, уларнинг тажрибасини ошириш масаласида ҳам муҳокама қилинган. ЮНЕСКО раҳбарияти Ўзбекистон билан барча йўналишда ҳамкорлик қилишга тайёр эканини билдирган.
