Версия для слабовидящих

2021 йил glavnaya Популярные новости

«Ҳеч ким аҳолини мажбурий эмламайди» — Баҳодир Юсупалиев

СЭС раҳбари Баҳодир Юсупалиев фуқаролар бирор вакцинани олишга мажбур эмаслигини маълум қилди. «Биз фуқароларимизни бирор вакцинани олишга мажбурламаймиз. Улар истаган вакцинаси билан эмланиши мумкин», — дейди у.

17 март куни АОКАда бўлиб ўтган матбуот анжуманида Санитария-эпидемиологик осойишталик ва жамоат саломатлиги хизмати раҳбари Баҳодир Юсупалиев Ўзбекистон фуқаролари бирор вакцинани олишга мажбур эмаслигини маълум қилди.

«Ҳозирги кунда ЖССТ қошидаги комиссия, ундан ташқари Европа комиссияси кўриб чиқади. Шунга яраша хулоса қилинади. Шунга қараб биз ҳам ўзимизни муносабатимизни билдирамиз. Ҳеч ким аҳолини мажбурий эмламайди. Хоҳласангиз мана AstraZeneca / Oxford, хоҳласанг Ўзбек-Хитой ёки „Спутник V“ вакцинаси. Ихтиёрий равишда эмланади. Танқислик бор, ишлаб чиқариш қуввати етмаяпти. Лекин, бугунги кунда фақат 660 мингта AstraZeneca биринчи бўлиб олиб келинди», — деди у.

СЭС раҳбари айнан қандай турдаги вакциналар Ўзбекистонга келтирилаётгани ҳақида ҳам гапирган.

У, шунингдек, Хитой вакцинасини олиб келиш бўйича ҳам музокаралар олиб борилаётганини қўшимча қилган.

Аввалроқ, Баҳодир Юсупалиев вакцинанинг ножўя таъсирларидан суғурталаниш мумкинми, дея берилган саволга «иҳтиёрий суғуртамиз бор, уни қилса бўлади. Лекин мажбурий суғурта ҳозирча бизда йўқ», — дея жавоб берган эди.

Унинг ўринбосари Нурмат Отабеков эса «одамларни вакцинация жараёнларига ундаш учун касаллар сони қўпайтириб кўрсаталаётгани йўқ», дея айтган эди.

Print Friendly, PDF & Email
loading