Самарқанд темир йўл транспорт касб-ҳунар коллежи ётоқхонасида карантинга жойлаштирилган хориждан олиб келинган 145 нафар фуқаронинг 14 кунлик тиббий назорат муддати тугади.
Шунингдек, бугун Самарқанд туманидаги “Дўстлик” оромгоҳида карантинда сақланган 292 кишининг муддати тугаб, улар ўз уйларига кузатилди. Самарқанд вилоят саломатликни тиклаш шифохонасида карантинда бўлган фуқаролардан 45 нафарининг ҳам карантинда бўлиш муддати бугун якунига етди.
Ушбу юртдошларимизнинг ҳеч бирида коронавирус аломатлари аниқланмади ва улар бугун соғ-саломат ҳолда ўз манзилларига жўнаб кетмоқда. Бунинг учун махсус автобуслар ташкил этилди.
Бу фуқаролар энди уй шароитида яна маълум муддат тиббий кузатувда бўлади.
ЎзА
