Сув тошқинига учраган ҳудуддан кўчирилган ўзбек, қозоқ, қирғиз, рус, корейс, татар, тожик ва бошқа миллатларга мансуб аҳолининг барчасига озиқ-овқат маҳсулотлари, дори-дармон ҳамда бошқа зарурий восита ва буюмлар ўз вақтида, етарли миқдорда етказиб берилмоқда. Ҳар бир инсоннинг эътибордан мутлақо четда қолмаслигини таъминлаш чоралари кўрилмоқда. Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси ходимлари сув тошқинидан талофот кўрган ҳудудларда бўлиб, вазият билан яқиндан танишишди.
