Версия для слабовидящих

2021 yil glavnaya Популярные новости

AstraZeneca vaksinasi va tromboz holatlari o‘rtasida bog‘liqlik borligini tasdiqlashdi

Yevropa dori vositalari bo‘yicha agentligi koronavirusga qarshi AstraZeneca vaksinasi va vaksinani qabul qilganlar orasida kuzatilgan tromboz holatlari orasida bog‘liqlik borligi haqidagi ma’lumotlarni tasdiqladi.

Yevropa dori vositalari bo‘yicha agentligi koronavirusga qarshi AstraZeneca vaksinasi va vaksinani qabul qilganlar orasida kuzatilgan tromboz holatlari orasida bog‘liqlik borligi haqidagi ma’lumotlarni tasdiqladi, deya xabar berdi RIA Novosti.

«Hozirda AstraZeneca vaksinasi bilan ommaviy emlash va aslida juda kam uchraydigan tromboz holatlari o‘rtasidagi sababiy bog‘liqlikning yo‘qligi haqida gapirish tobora qiyinlashmoqda. Bog‘liqlik bor ekanligi aniq», — dedi Vaksinaning sog‘liqqa zararini o‘rganish va emlash strategiyasi bo‘limi rahbari Marko Kavaleri.

Biroq, uning aytishicha, vaksinaning nega bunday ta’sir qilganligining sababi ma’lum emas. Hozircha bu borada izlanishlar hali davom etmoqda.

Eslatib o‘tamiz, mart oyi boshida Yevropaning bir qator mamlakatlari AstraZeneca vaksinasini qo‘llashni to‘xtatib qo‘ygan edi. Biroq, ma’lum muddat o‘tib Yevropa Ittifoqi kuzatilayotgan holatlar va ushbu vaksina o‘rtasida bog‘liqliklar yo‘q deya izoh bergach, bir qator Yevropa mamlakatlari, jumladan Fransiya, Italiya va Germaniya AstraZeneca vaksinasini qo‘llashni qaytadan tiklagandi.

17 mart kuni esa Toshkentga 660 ming doza AstraZeneca vaksinasi olib kelingan edi.

Hozirda dunyo bo‘ylab ushbu vaksinadan 77 mamlakat foydalanmoqda, biroq Shvetsiya, Norvegiya, Daniya, Finlyandiya, Irlandiya hamda Islandiya kabi mamlakatlar qo‘llashni to‘xtatgan. Shuningdek, 3 ta mamlakat (Kanada, Fransiya, Niderlandiya) AstraZeneca vaksinasini faqat ayrim guruhlarga nisbatan qo‘llamaslikka qaror qilgan.

Shuningdek, mart oyi oxirida AstraZeneca vaksinasining nomi Vaxzevria deb o‘zgartirilgan edi.

Print Friendly, PDF & Email
loading