O‘zbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi xodimlari hamda milliy madaniy markazlar faollari bugun yurtimizning barcha fuqarolari qatori umumxalq hasharida ko‘tarinki kayfiyat bilan ishtirok etdilar. O‘zbekiston Respublikasi davlat mustaqilligining yigirma olti yillik bayrami oldidan tashkil etilgan ushbu tadbirda Ko‘mita binosida keng miqyosda obodonlashtirish ishlari olib borildi. Xalqimizning azaliy udumlaridan bo‘lgan xashar turli millat vakillari shu jumladan yoshlar orasidagi do‘stlik va ahillikni mustaxkamladi, tinchlik va barqarorlik muhitini mustahkamlash borasada yanada hamjixat bo‘lishga undadi.
