O‘ZBEKISTON RUS MADANIY MARKAZI

Rus xalqining madaniyati, tili, an’analari, urf-odatlarini avaylab asrashda, shu asosda o‘zbek va rus xalqlari o‘rtasidagi do‘stlik va hamkorlik aloqalarini rivojlantirishda 1994-yili tashkil etilgan O‘zbekiston rus madaniy markazi va uning joylardagi bo‘linmalari muhim rol o‘ynamoqda. 1994-yilda tashkil etilgan O‘zbekiston Rus madaniyati markazi rus madaniyati, tili, an’analari, urf-odatlarining ma’naviy qadriyatlarini asrab-avaylash, shu asosda do‘stlik va hamkorlikni rivojlantirishda muhim ahamiyat kasb etmoqda.<img src="https://web.interkomitet.uz/uploads/culture-center-info/65cf1379ec07a.png" alt="65cf1379ec07a.png" /> Markaz tashabbusi bilan mamlakatimizda S.Yesenin tavalludining 100 yilligi tantanali nishonlandi. A.Pushkin A.Griboyedov, M.Lermontov, L.Tolstoy, F.Dostoyevskiy, M.Svetayeva, A.Axmatova, V.Visotskiy va boshqalarning ijodiga bag‘ishlangan adabiy kechalar muntazam o‘tkazib kelinmoqda.Markazda boshqa xalqlarning an’analarini hurmat qilishga ham katta e’tibor beriladi. Har yili yanvarda «Rojdestvo» kechalarini, bahorda «Maslenitsa» bayramini o‘tkazish an’anaga aylangan. Aprel-may oylarida «Pasxa» kechalari, «Igray, garmon», «Teatralnaya vesna» va «Russkaya pesnya» festivallari o‘tkazib kelinadi.Shuningdek, A.Pushkinning tug‘ilgan kuniga bag‘ishlab Millatlararo munosabatlar va xorijiy mamlakatlar bilan do‘stlik aloqalari qo‘mitasi hamda O‘zbekiston yozuvchilar uyushmasi hamkorligida an’anaviy tarzda adabiy-musiqiy tadbir uyushtiriladi. Markazning «Molodaya smena» yoshlar bo‘linmasi «Pushkin bali» va boshqa mavsumiy kechalarni tashkillashtirib keladi. Markaz qoshida «Veteran» xor kapellasi, «Melodiya» xori, «Solo», «Ma’naviy meros bilan uchrashuv», «Kumush asr» adabiyot mehmonxonasi kabi ijodiy uyushmalar, «Orfey», «Danko», «Literaturno duxovnoye naslediye» to‘garaklari, adabiyot va musiqa saloni, Rus tili va adabiyoti markazi, Anna Axmatovaning «Mangalochiy dvorik» muzeyi faoliyat ko‘rsatmoqda. Mamlakatimizda millatlararo do‘stlik va totuvlikni mustahkamlash, jamiyatimizda turli millat va elat vakillari o‘rtasida hukm surayotgan o‘zaro hamjihatlik va hurmat muhitini asrash hamda milliy madaniy markazlar faoliyatini rivojlantirish borasidagi katta xizmatlari uchun markazning ko‘plab faollari O‘zbekiston Respublikasining davlat mukofotlari bilan taqdirlandi. Xususan, N.Selvestrova – «O‘zbekiston Respublikasida xizmat ko‘rsatgan murabbiy», S.Mironov – «Xizmat ko‘rsatgan yoshlar murabbiysi», P.Volkov – «Xizmat ko‘rsatgan madaniyat xodimi», A.Dushkin, Y.Shaverdova, F.Golubsova, I.Korjikova, S.Zinin – «Do‘stlik» ordeni bilan, A. Skripkin «Shuhrat» medali bilan taqdirlangan.

Rus xalqining madaniyati, tili, an’analari, urf-odatlarini avaylab asrashda, shu asosda o‘zbek va rus xalqlari o‘rtasidagi do‘stlik va hamkorlik aloqalarini rivojlantirishda 1994-yili tashkil etilgan O‘zbekiston rus madaniy markazi va uning joylardagi bo‘linmalari muhim rol o‘ynamoqda. 1994-yilda tashkil etilgan O‘zbekiston Rus madaniyati markazi rus madaniyati, tili, an’analari, urf-odatlarining ma’naviy qadriyatlarini asrab-avaylash, shu asosda do‘stlik va hamkorlikni rivojlantirishda muhim ahamiyat kasb etmoqda.